5. fundur
framtíðarnefndar á 153. löggjafarþingi
haldinn í Austurstræti 8-10, þriðjudaginn 24. janúar 2023 kl. 11:30

Mætt:

Logi Einarsson (LE) formaður, kl. 11:30
Gísli Rafn Ólafsson (GRÓ) fyrir Halldóru Mogensen (HallM), kl. 11:30
Hildur Sverrisdóttir (HildS), kl. 11:30
Jakob Frímann Magnússon (JFM), kl. 11:55
Lilja Rannveig Sigurgeirsdóttir (LRS), kl. 11:30
Njáll Trausti Friðbertsson (NTF), kl. 11:30
Sigmar Guðmundsson (SGuðm), kl. 11:30
Steinunn Þóra Árnadóttir (SÞÁ), kl. 11:30

Gísli Rafn Ólafsson vék af fundi kl. 12:17 og Halldóra Mogensen tók hans sæti.
Ágúst Bjarni Garðarson og Orri Páll Jóhannsson boðuðu forföll.
Sigmundur Davíð Gunnlaugsson var fjarverandi.

Nefndarritari: Anna Sigurborg Ólafsdóttir

Bókað:

Lilja Rannveig Sigurgeirsdóttir var kjörin formaður með öllum greiddum atkvæðum. Þingmenn úr röðum stjórnarliða og stjórnarandstæðinga gegna formennsku og varaformennsku framtíðarnefndar á víxl eitt ár í senn. Logi Einarsson er fráfarandi formaður.

Fundargerðir 3. og 4. fundar 153. löggjafarþings voru samþykktar.

Samþykkt var einróma að Lilja Rannveig Sigurgeirsdóttir, Logi Einarsson og Jón Magnússon, deildarstjóri fjárlaga- og greiningardeildar sitji í stýrihópi hugveitu og sviðsmyndagreiningar framtíðarnefndar. Hlutverk stýrihópsins er að hafa eftirlit með framkvæmd verkefnisins. Rætt var um næstu skref verkefnisins.

Rætt var um mögulegar dagsetningar fyrir rafræna vinnustofu framtíðarnefndar og þjóðaröryggisráðs með fulltrúa framtíðarhóps finnska forsætisráðuneytisins.

Formaður kynnti boð á tvær ráðstefnur erlendis sem fjalla um framtíðarfræði og voru boðin afþökkuð.

Rætt var um dagskrárliði næstu funda.

Fleira var ekki gert.

Fundi slitið kl. 13:00